Жаңа Бұқтырма ауылында аллеялар мен тротуарлар салынады
Фото: depositphotos.com
Жаңа Бұқтырма кентінде туризмді дамыту аясында абаттандыру жұмыстары жүргізілуде, деп хабарлайды Altainews.kz тілшісі.
Абаттандыру жоспарында Ұлы Отан соғысындағы Жеңіс ескерткішін қайта жаңарту, жылумен және ыстық сумен жабдықтау желілерін жаңғырту жұмыстары бар.
Бұдан басқа, Бұқтырма су қоймасының жағалауында туризмді дамыту үшін заманауи инфрақұрылым құруға бағытталған жоба іске асырылмақ.
Жоба шеңберінде туристер мен кент тұрғындарының жайлы демалысы үшін аллеялар, тротуарлар салу, көгалдандыру, шағын сәулет нысандарын орнату, жарықтандыру, сондай-ақ әдемі субұрқақтар мен орындықтар орнатылмақ.