KZ
Өскемен
+27°
облачно с прояснениями жел 4 м/с, СБ
477.03 521.44 5.43

Бұқтырма су қоймасының Самар жағалауында құтқарушылар бекеті ашылды

Фото: ШҚО ТЖД

17.06.2024, 10:57 101 Айжанат Бақытқызы

Самар ауданының Новостройка ауылы маңындағы Бұқтырма су қоймасының жағалауында құтқарушылар бекеті жұмыс істей бастады. Жаз бойы мұнда Шығыс Қазақстан облыстық төтенше жағдайлар департаментінің өрт сөндірушілері мен жедел-құтқару жасағы кезекшілік ететін болады, деп хабарлайды Altainews.kz тілшісі.

Департаменттің ақпараты бойынша, құтқарушылар бекеті қажетті құтқару жабдықтарымен, оның ішінде арнайы жүзу құралдарымен және өрт сөндіру автокөлігімен жабдықталған.

Құтқарушылар қайықпен патрульдейтін болса, өрт сөндірушілер ұзындығы шамамен 110 шақырым жағалау бойындағы демалушылар мен демалыс нысандарының өрт қауіпсіздігін сақтауын ұдайы бақылауда ұстайтын болады. Демалушыларға судағы қауіпсіздік жайлы жадынамалар тапсырылып, нұсқау жұмыстары жүргізіледі.

«Басты міндет - судағы жазатайым оқиғалардың және жағалауда орналасқан нысандарда өрттің алдын алу. Өткен маусымда тоғыз рет өрт жағдайы болды, өрт сөндірушілер тілсіз жаудың демалыс базаларына таралуына жол бермеді. Қайықтармен кезекшілік жүргізу демалушылардың қауіпсіздігін қамтамасыз етуге және жедел көмекке келуге мүмкіндік берді» деп ТЖД бастығының орынбасары Серік Амангелдин.

Төтенше жағдай кезінде 101 немесе 112 нөмірі бойынша хабарласу қажет.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив