Бұқтырма су қоймасының Самар ауданындағы бөлігінде өрт сөндіру-құтқару бекеті жаз бойы жұмыс істейді. 

Мамандар қазірдің өзінде 60-тан астам профилактикалық рейд жүргізген, деп хабарлайды Altaynews тілшісі.

Маусымдық бекет қажетті құтқару жабдықтарымен, оның ішінде арнайы жүзу құралдарымен және өрт сөндіру автокөлігімен жабдықталған.

Биыл өртке қарсы бөлімшелер дала өртін сөндіруге 7 рет шықты. Бұл жедел әрекет етуге және өрттің өршуін тоқтатуға мүмкіндік берді.

Құтқарушылар жағалау сызығының бойымен 40 км қашыққа дейін күнделікті патрульдеу жұмысын жүргізеді.

Қазірдің өзінде 60-тан астам профилактикалық рейд жүргізілді. Оған полиция қызметкерлері мен еріктілер тартылады.

Аудан әкімдігі шомылуға тыйым салынған орындарда 8 белгі және стендтер мен баннерлер орнатқан.

Төтенше жағдай кезінде «101» және «112» нөмірлері бойынша хабарлау қажет.