ШҚО-да қызылша жұқтырғандар саны артқан
Фото: mgazeta.com
Бүгінде ШҚО бойынша қызылша жұқтырған 87 жағдай анықталды.
ҚР Денсаулық сақтау министрлігінің санитарлық-эпидемиологиялық бақылау комитетінің ақпаратына сүйенсек, қызылша ауруын жұқтырғандардың көбі 14 жасқа дейінгі балалар, деп хабарлайды Altaynews тілшісі.
22 қарашадағы жағдай бойынша, ШҚО-да 87 тұрғын қызылша жұқтырған. Оның ең көбі облыс орталығында (70 жағдай). Сонымен қатар Глубокое, Самар, Ұлан, Зайсан және Алтай аудандарында да тіркелген.
- Жұқпалы аурулар ошағына эпидемияға қарсы іс — шаралар толық көлемде жүргізілді. 4719 адам медициналық бақылаумен қамтылды, - делінген хабарламада.
Қызылшаны емдеудің арнайы және тиімді емі жоқ. Қызылшадан қорғанудың жалғыз тиімді жолы – вакцинация. Сол үшін 6 қарашадан бастап елде жаппай иммундау басталды.
Оқи отырыңыз
