"Қазгидромет" РМК бүгінгі, яғни 29 тамызға арналған ауа райы болжамын жариялады.

Еліміздің 16 өңірінде бүгін найзағай ойнап, жаңбыр, бұршақ жаууы мүмкін, деп хабарлайды Altaynews тілшісі.

ШҚО ТЖД найзағай кезінде төмендегі қауіпсіздік шараларын сақтау керектігін ескертеді:

Егер үйде болсаңыз, сымдарға, антенналарға жақындамаңыз. Терезелерді жауып, теледидарды, радионы және басқа да тұрмыстық техниканы өшіріңіз.

Егер көлікте болған жағдайда терезесін жауып, радио антеннасын төмендетіңіз. Жол жиегінде немесе автотұрақта, биік ағаштардан алыс жерге тоқтап, күтіңіз.  

Егер сыртта жүрсеңіз, электр желілерінен немесе биік ағаштардан аулақ болыңыз. Металл қоршаудың, құбырлардың, рельстердің жанында тұрмаңыз.

Қандай да бір төтенше жағдайға тап болсаңыз, 101 және 112 телефондарына хабарласыңыз.