Жуырда Сол жағалау ПБ «102» жедел арнасына 39 жастағы Өскемен қаласының тұрғыны жүгінген.

Тұрғын интернет-сайттардың бірінен терезелерге қоятын темір торларды дайындау туралы хабарландыруды көріп, «шебермен» өлшемін, қоятын уақытын, келіседі. Тіпті, хабарландыру иесіне мобильді қосымша арқылы 45 мың теңге аударып қояды. Нәтижесінде зардап шегуші ақшасыз әрі темір торсыз қалады.

Жедел-іздестіру іс-шаралары барысында полиция қызметкерлері 35 жастағы ер адамды анықтап , барлық айғақтар арқылы кінәлі деп таныды.

Аталған факті бойынша ҚР ҚК 190 – бабы 2 – бөлімі бойынша сотқа дейінгі тергеу амалдары жүргізілуде.