Риддерде оқушылар арасында әскери көпсайыс өтті
Риддерде Отан қорғаушылар күніне орай оқушылар арасында әскери көпсайыс өтті.
Сайыс Екінші дүниежүзүлік соғыстың қаһарманы, қатардағы гвардия жауынгері Төлеген Тоқтароваты еске алуға арналған, деп хабарлайды Altaynews тілшісі.
Турнирге қаланың жалпы білім беретін мектептерінен 10 команда бақ сынасты.
Жарыс саптық даярлық, автоматты бөлшектеу және жинау, турникке тартылу, орыннан ұзындыққа секіру, граната лақтыру және газтұмылдырық кию және әскери эстафета номинациялары бойынша өтті. Сайыстың басты мақсаты – әскери қызметке және әскери-қолданбалы спорт түрлеріне қызығушылықты арттыру мақсатында ұйымдастырылған, дейді қалалық әкімдік.
Турнир қорытындысы бойынша бірінші орынды №1 мектеп-лицейдің командасы иеленсе, екінші орынға №10 орта мектептің командасы, ал үшінші орынға "Шаңырақ" көпсалалы мектеп-гимназиясының командасы тұрақтаған. Жеңімпаздар мен жүлдегерлер кубоктармен және дипломдармен марапатталды.
Оқи отырыңыз
