Алтайлықтар ұлттық киімді ұлықтады
Наурыз мейрамына орай Алтай ауданының мемлекеттік қызметкерлері классикалық киім үлгісін ұлттық нақыштағы киім-кешекке ауыстырды.
14 наурыз – Көрісу күнінен бастап мемлекеттік мекемелердің 1000 қызметкері «Ұлттық киім кию» челленджіне атсалыспақ, деп хабарлайды Altainews.kz тілшісі.
Айта кету керек, ұлттық салт-дәстүрді дәріптейтін челленджді өңірде тұратын түрлі этностардың өкілдері де бірауыздан қолдаған.
- Ұлыстың ұлы күніне орай ұлттық болмысымызды айшықтайтын ерекше челлендж бастадық. Өзім бастап, барлық мемлекеттік қызметкерлер жұмысқа қазақи нақыштағы киімде келетін болады. Ұлттық киім – патриоттық рухымыз бен мәдениетімізді арттырары сөзсіз, - дейді Алтай ауданының әкімі Ренат Құрмамбаев.
Челленджді бастаған мемлекеттік қызметкерлер қазақтың ою-өрнегі бар қамзол-қапетті бір ай бойы киеді. Жылдың басы, жаңару мерекесінде ұлттық киімге осылайша құрмет көрсетілмек.
Фото: Алтай ауданының ішкі саясат, мәдениет және тілдерді дамыту бөлімі
Оқи отырыңыз
Алтай қаласының оқушылары мектепте ұлттық нақыштағы киім киедіҚарақат Әбден мәдениетімізге мән бередіШҚО-да құтқарушылар арасында ұлттық киім челленджі өттіАуылдағы мәдениет үйінің сахнасында қазақтың ұлттық киімдерінің сән үлгісі көрсетілдіРиддерліктер Алғыс айту күніне орай патриоттық челлендж өткізді
