2022 жылдың екінші жарты жылдығында облыс орталығына жаңа трамвайлар әкелінеді, деп хабарлайды Алтайньюс тілшісі.

Қалалық әкімдіктің мәліметіне сүйенсек, қазіргі уақытта конкурс жүргізіліп жатқан көрінеді.

-        Жаңа қоғамдық көлік техникалық ерекшелікке сай болады. Жолаушылар салоны мен жүргізуші орны кондиционермен және  бейнебақылау жүйесімен жабдықталады, - деп түсіндірді Өскемен қаласының ТКШ, жолаушылар көлігі және автомобиль жолдары бөлімі басшысының орынбасары Ерназ Мұқатаев.

Сондай-ақ трамвайлар мүмкіндігі шектеулі азаматтар үшін де ыңғайлы болмақ.