Шығыс Қазақстан облысында 17 және 18 шілде күндері «Жолдағы қабылдау» акция өтеді. Полиция қызметкерлері екі күн бойы тұрғындарға кеңес беріп, өтініштерін тыңдайды, деп хабарлайды Алтайньюс тілшісі.

– Бөлімше басшылары тұрғындарды кез-келген уақытта қабылдап, барлық сұрақтарға жауап беруге дайын. Ал тұрғындардан келіп түскен әрбір өтініш ерекше назарға алынады, – деп мәлімдеді облыстық полиция департаменттің баспасөз қызметі.

Акция аясында «сұрақ-жауап» форматында тікелей эфир ұйымдастырылады.

– Аймақ тұрғындары көкейкесті сауалдарын жолдап, полицияның жұмысына қатысты өз ұсыныстарын да айта алады, – деп нақтылай түсті департаменттің баспасөз қызметі.

«Жолдағы қабылдау» сағат 9:00-ден 19:00-ге дейін қалалар мен аудан орталықтарындағы полицияның фронт-кеңселерінде ұйымдастырылады. Сондай-ақ акция аясында 8 (7232) 77-46-85 жедел желісі жұмыс істейді.