Қазіргі таңда мемлекеттік қызметтердің басым бөлігі Egov.kz порталы арқылы көрсетіледі. Олардың негізгі бөлігін растау мен алу электронды цифрлық қолтаңба (ЭЦҚ) арқылы жүзеге асады. Ал ЭЦҚ-ның өзін де қашықтықтан алуға болады, деп хабарлайды Altaynews тілшісі.

ЭЦҚ-ны қашықтықтан алу үшін ең алдымен Egov.kz порталына кіріп, басты беттегі «ЭЦҚ-ны қашықтан алу» батырмасы арқылы қызметке онлайн тапсырыс береді. Одан кейін төмендегі әрекеттерді орындау қажет:

•             Порталға бейнекамераны қосуға рұқсат етіңіз;

•             ЭЦҚ түрін таңдаңыз да ЖСН нөміріңізді теріп, қызметке тапсырыс беріңіз;

•             Жеке басыңызды растайтын құжат түрін таңдаңыз;

•             Телефоныңыздың нөмірі мен SMS кодты теріңіз;

•             Бейне сәйкестендіру сілтемесіне өтіңіз де, камераға қараңыз;

•             Жеке кабинетіңізге жасырын сөз ойлап тауып, құжаттар батырмасына өтіңіз;

•             Жеке басыңызды растайтын құжатты «файлды жүктеу» немесе «суретке түсіру» арқылы порталға енгізіңіз;

•             Құжат жүтелген соң, жеке кабинетіңіз үшін енгізген жасырын сөзді теріп, оған кіріңіз;

•             Өтініштің электронды нұсқасына электронды мекен-жайыңызды қосыңыз;

•             Кілтті сақтау орнын таңдап, оның орналасқан жолын көрсетіп өтінішті жіберіңіз;

•             Соңғы беттен өтініштің статусын көре аласыз;

•             Кілт дайын болған кезде оған құпия сөз ойлап тауып енгізіңіз;

•             Сертификатты жүктеңіз.