Елдің ішінде демалсаңыздар, отбасындағы 15 жасқа дейінгі екі балаға ұшақ билеті тегін болады, деп хабарлайды Altaynews тілшісі.

Бұл туралы "Қазақтуризм" ұлттық компаниясының баспасөз қызметі мәлім етті.

Аталмыш мүмкіндік "KIDS GO FREE" жобасының аясында жүзеге асырылады. Жобаның мақсаты - "1+2" есебімен 2-15 жас аралығындағы балалар үшін ел ішінде ұшуға кететін шығынды өтеу. Бұл демалысты 30%-ке арзандатуға мүмкіндік береді және қазақстандықтарды ел ішінде демалуға ынталандырады деп күтілуде.