Мексиканың Нуэво-Леон штатында коронавирусқа ұқсас ерекше бұршақ жауды, деп хабарлайды Алтайньюс тілшісі.

БАҚ-тың деректеріне сүйенсек, ерекше табиғи құбылыстың суретін Instagram және Twitter қолданушылары жариялап жатыр. Бұршақтың пішіні коронавирусты микроскоппен қарағанда көрінетін пішінге өте ұқсас. Тұрғындар оған тіпті «Градовид-19» деген ат берген көрінеді.

Дүниежүзілік метеорологиялық ұйымның метеорологы Жозе Мигель Винастың айтуынша, мұнда шын мәнінде ешқандай ғажайып жоқ. Қатты дауыл кезінде әртүрлі көлемдегі бұршақтар бір-бірімен соқтығысқанда осындай ерекше пішіндер шығады екен.

Сондай-ақ айта кету керек, осыған ұқсас құбылыс 19 мамырда Қытайдың Циндао қаласында болған, ал одан бұрын, сәуірде Американың Мичиган штатында коронавирусқа ұқсас бұршақ жауған.