Шығыс Қазақстанның облыстық кітапханасы Әл-Фарабидің 1150 жылдығына арналған онлайн-шара ұйымдастырды, деп хабарлайды Altaynews тілшісі.

Бұл туралы кітапхананың ресми сайтында жарияланды.

Онлайн-кездесуді Алматыдағы Қазақ ұлттық университетінің өкілі, әл-Фараби ғылыми-білім орталығының жетекшісі Бекжан Мейірбаев өткізеді. Шара тікелей эфир форматында өтпек.

Бұл трансляция ғалым-энциклопедист Әбу Насыр әл-Фарабидің шығармашылығын зерттеу мен сақтауға бағытталған. Эфирге қатысушылар отандық фарабтану мектебінің дамуы мен ұлы ғалымның шығармашылығындағы жаңа фактілер туралы ақпарат алады.

Тікелей эфир 24 сәуір күні сағат 15.00-де Бекжан Мейірбаевтың Facebook-тегі жеке парақшасында өтеді: https://www.facebook.com/mbekzhan.