Семейдегі Компоселок ықшамауданындағы бір үйдің ауласына сілеусін кіріп кетті. Оның видеосы Инстаграм желісі арқылы таралды, деп хабарлайды Аltaynews тілшісі.

Видеодан көргеніміздей, аулаға кіріп кеткен түз тағысы шам жарығынан қашуға тырысады.

Әзірге аңның қалаға кіруіне не себеп болғаны белгісіз.

Айта кетейік, алдыңғы аптада Өскемен көшесінде жүрген елікті көлік қағып кеткен еді. Одан бұрын Семейдегі кітапханаға бұғы, ал Риддерге аю кіріп кеткен болатын.