Семейдегі сілеусінді қасқыр талап өлтірді, деп хабарлайды Altaynews тілшісі.

Естеріңізде болса, осыдан біраз уақыт бұрын Семейде тұрғын үй жертөлелерінің бірін сілеусін мекендеп алғаны туралы жазған болатынбыз. Биоорталықта жабылған сілеусінді қасқыр талап тастапты. Бұл туралы орталықтағы мамандар айтты. Оқиға 31 қаңтарда болған. Сағат 16:00 шамасында қасқыр ет жеу үшін тордан босатылған. Сілеусін болса, тордың ар жағынан аяғын шығарған осы кезде қасқыр оны бассалған. Осылайша Семей тұрғындарын біраз әбігерге салған сілеусін өліп қалды.