Алтай ауданындағы Первороссийское ауылының атын өзгерту туралы қоғамдық тыңдау өтеді, деп хабарлайды Аltaynews тілшісі yk-news.kz сайтына сілтеме беріп.

Ауылдық округ пен ауылдың атын өзгерту туралы қоғамдық тыңдау 30 қараша күні болады. Өтетін орыны – ауылдағы мәдениет үйі.

– Ұсыныс ауыл тұрғындарынан түсті. Бұл туралы бұқаралық ақпарат құралдарында хабарланып жатыр. 10 күн бұрын ауылға хабарландыру ілеміз, – дейді ауылдық округтің әкімі Александр Попукалов.

Тұрғындар ауылдың атын сол ауылды 1963-1994 жылдары басқарған, Социалистік Еңбек Ері Павел Тимофеевич Полянскийдің құрметіне Полянское деп атамақ.

Айта кетейік, Павел Полянский осы күні құрметті демалыста.