Семейде бірыңғай жиынтық төлемнен бас тартқан 900-ге жуық адам бар, деп хабарлайды Аltaynews тілшісі. Бұл туралы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің жетекшісі Мұрат Құржықаев мәлім етті.

Естеріңізде болса, ағымдағы жылдың 1-ші қаңтарынан бастап республика бойынша бірыңғай жиынтық төлем күшіне енген болатын. Бұл төлем ресми жұмыс істемейтін, бірақ табыс тауып жүрген азаматтар үшін әзірленген. Заң бойынша, қалалықтар – 2525 теңге, ауылдағылар – 1262 теңге төлеуі тиіс. Алайда, бұл төлемді Семейде 2000-нан астам адам ғана төлейді. Ал, 900-ге жуық адам салық төлеуден бас тартқан.