Семейде жыл басынан қысқа мерзімді кәсіптік оқытуға 905 адам жіберілді, деп хабарлайды Аltaynews тілшісі. Бұл туралы қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің жетекшісі Мұрат Құржықаев мәлім етті.

Қаладағы жұмыссыздықпен күресу үшін жұмыспен қамту орталығы еңбек нарығында сұранысқа ие мамандықтар бойынша кәсіптік оқытуды өткізуді көздеп отыр.

- Жыл басынан бері қысқа мерзімді кәсіптік оқытуға 905 адам жіберілді. Олар кондитер, бухгалтер, "1С" білімі бар ЭЕМ операторы және т.б мамандықтарға ие болды,  - дейді бөлім басшысы.