Өскемендегі «АвтоЦОН» бөлек ғимаратқа көшіріледі, деп хабарлайды Алтайньюс тілшісі.

Азаматтарға арналған үкіметтің баспасөз қызметінің хабарлауынша, 4 қарашада көлік жүргізушілеріне арналған қызмет көрсету орталығы жаңа ғимаратта жұмыс істейді. Мекенжайы: Абай даңғылы, 203/3.

Ғимаратта 15 терезе көлікті тіркеуге, үш терезе жүргізуші куәлігіне қатысты сұрақтармен жұмыс істейді. Одан бөлек жүргізушілер үшін 12 үстел мен емтихан тапсыруға арналған 10 орын болады.

Қазақстан мен Сәтпаев көшелеріндегі халыққа қызмет көрсету орталықтары жаңа ғимарат ашылған күннен бастап жүргізушілерге қатысты істі қарамайды.