Ольга Рыпакова атындағы жеңіл атлетика манежінің бас корпусының жанынан тағы бір спорт модулі бой көтереді. Кешендегі құрылыс жұмысымен облыс әкімі Даниал Ахметов танысып қайтты, деп хабарлайды Алтайньюс тілшісі.

Қосымша корпустың ұзындығы –144 метр, ал ені – 24 метр. Мұнда жүгіру жолы салынады. Сондай-ақ оның жанында диск лақтыратын алаңқай да болады.

Аймақ басшысының айтуынша, құрылыс жұмысы толық аяқталған соң, осынау жеңіл атлетика кешенінің Азия чемпионаты сынды жоғары деңгейлі сайыстарды өткізуге мүмкіндігі жетеді.