Осы күз мезгілінде ШҚО-да күн электростанциясын іске қосу жоспарланып отыр, деп хабарлайды Алтайньюс тілшісі.

Жоба бойынша жұмыстар ағымдағы жылдың қазан айында аяқталмақ.

«Шығыс Қазақстан облысының өңірлік мемлекеттік-жеке меншік әріптестік орталығы» АҚ басшысы Шәкәрім Бұқтығұтовтың айтуынша, ЕҚДБ арқылы тартылған қаражаттың есебіне күн электростанциясының құрылысы бойынша жоба жүзеге асырылып жатыр. Қуаттылығы 30 МВт болатын нысан Жарма ауданында бой көтеруде. Станцияны іске қосу мерзімі қазан айына жоспарланған екен.