ШҚО: Қазақстанның 10 облысында су тасқыны қаупі жоғары
"Қазгидромет" РМК мамандары су тасқыны қаупін бағалап, өңірлер бойынша алдын ала болжам жасады.
Еліміз бойынша жалпы 10 өңірде су тасқыны қаупі жоғары, деп хабарлайды Altaynews тілшісі.
NASA спутниктерінің ЖҚЗ (Жерді қашықтықтан зондтау) суреттерімен 1 наурыздағы жағдай бойынша Қазақстанның қарлы аумағы 72% құраған.
- Жауын-шашынның мөлшерін, қардағы су қорын, топырақтың күзгі ылғалдылығының көрсеткіштерін, топырақтың қату тереңдігін, сондай-ақ өзендердің мұз режимдерін талдай отырып, су тасқыны қауіпті аймақтарға алдын-ала баға берілді. Су басу қаупі жоғары аймақтарға: Қарағанды, Ақмола, Солтүстік Қазақстан, Қостанай, Ақтөбе, Батыс Қазақстан, Шығыс Қазақстан, Абай, Алматы облыстары және Жетісу облыстары жатады, - деді "Қазгидромет" РМК.
Естеріңізге сала кетейік, наурыз айында ел аумағының басым бөлігінде негізінен жылы ауа райы күтіледі, жауын-шашын мөлшері нормадан жоғары болады.
Синоптиктер сонымен қатар наурыз-сәуір айларында тәулігіне бір айлық жауын-шашын мөлшері түссе, бұл қауіпті табиғи гидрометеорологиялық құбылыстардың пайда болуына алып келуі мүмкін екенін айтады.
Оқи отырыңыз
