Бүгін республиканың басым бөлігінде антициклон жотасына байланысты жауын-шашынсыз күн райы қалыптасады.

Аптап ыстыққа байланысты еліміздің барлық өңірлерінде ескерту жарияланды, деп хабарлайды Altaynews тілшісі.

Синоптиктердің болжамынша, ШҚО-да түнде оңтүстігінде, шығысында, күндіз шығысында күн күркірейді. Жел солтүстіктен соғады, облыстың оңтүстігінде, шығысында екпіні - 15-20 м/с. 

Солтүстік Қазақстан, Ақмола, Алматы, Қарағанды, Ұлытау облыстарында, Павлодар облысының солтүстік-батысында, шығысында, оңтүстігінде, Шығыс Қазақстан облысының оңтүстігінде, батысында, Абай облысының оңтүстігінде өрт тұтану ықтималдығы жоғары.