Астана, Алматы және Шымкент қалалары мен еліміздің бірқатар облыстарында 62 мектептің құрылысы жемқорлардан тәркіленген қаражат есебінен қаржыландырылған.

Жалпы, желтоқсанда құрылғаннан бері Қорға 151,6 млрд теңге қаржы түскен, деп хабарлайды Altaynews тілшісі Zakon.kz сайтына сілтеме жасап.

Іс-шара мектептерді, қосымша ғимараттарды және интернаттарды салу және қайта жаңғырту арқылы үш ауысымдық білім беруді, апатты оқу орындарының проблемаларын және жалпы студенттер орнының жетіспеушілігін жоюға бағытталғаны нақтыланды.

Бұған дейін Премьер-Министр Әлихан Смайылов жемқорлыққа жол берген шенеуніктерден тәркіленген ақша мектеп құрылысына бағытталатыны туралы қаулыға қол қойған болатын. Жемқор шенеуніктерден тәркіленген ақшаға 72 мектеп салынады деп хабарланды.