"AMANAT" партиясының жаңа шақырылымында әйелдер мен жастардың үлесі артты
Шығыс Қазақстан облысы бойынша AMANAT партиясының жаңа шақырылымында әйелдер мен жастардың үлесі арта түсті. Бұл туралы партияның өңірлік филиалының төрағасы Сайрангүл Жұмаділова айтты, деп хабарлайды Altaynews.kz тілшісі.
- Жаңа шақырылым депутаттарының құрамы 75%-ке жаңартылды. Әйелдер саны 30%-ке дейін, 35 жасқа дейінгі жастардың саны 14%-ке дейін ұлғайды. AMANAT партиясының фракциясы – ең ірі, көпшілік дауысқа ие жетекші фракция. Бүгін барлығымыз бір залда болған кезде біздің фракцияның және жалпы партияның күші сезіледі, - деді Сайрангүл Жұмаділова.
Айта кетейік, ҚР Парламенті Мәжілісінің депутаттары мен барлық деңгейдегі мәслихат депутаттарын сайлау аралас жүйе бойынша өтті. Облыстық мәслихаттағы 32 орынның ішінен AMANAT партиясы 29 орынды немесе 90,6%-тін, аумақтық мәслихаттардағы 142 орынның ішінен 115 орынды немесе 80,9%-тін иеленді.
Оқи отырыңыз