Астанада өткен дәстүрлі «Парыз-2023» республикалық байқауында өңіріміздің мақтаулы кәсіпорындарының бірі «OstFish» ЖШС үздіктер қатарынан көрінді.

Еліміздегі шағын және орта кәсіпкерлік субъектілері арасынан жүлдегер атанған компанияға Президент атынан «Экологияға қосқан үлесі» үшін номинациясының күміс мүсіншесі мен арнайы дипломы табыс етілді, деп хабарлайды Аltaynews.kz тілшісі.

«OstFish» ЖШС бүгінгі таңда бекіре тұқымдас балықтарды өсірумен айналысады. Кәсіпорын жылына 45 тонна балық еті мен төрт тонна уылдырық өндіруге әлеуетті. Қазір ол қызыл кітапқа енген шабақтарды өсіріп, осы балық түрлерін көбейтуге белсенді атсалысып жатыр. Биыл Ертіс өзенін балықтандыруға, оның ішінде сібір бекіресінің шабақтарын жіберуге бастамашы болды. Серіктестіктің бұл бастамасы байқауда жоғары бағаланғанын айта кетейік.