Уақыт белдеуін ауыстыру барысында ұялы сервис операторларының жұмысында ақау шығуы мүмкін
pexels.com
1 наурыздан бастап еліміз бірыңғай сағат белдеуіне көшеді.
Ұялы операторлар электрон гаджеттерде бұл автоматты түрде өзгеретінін мәлімдеді, деп хабарлайды Altainews.kz тілшісі.
Қазақстан тұрғындарына кей ұялы сервис операторларының жұмысында ақау болуы мүмкін екені ескертілді.
- Ақау ғана емес, биллинг жүйелерін ауыстыру бойынша түнде де жұмыстар атқарылады, салдарынан, кей қызметтердің жұмысында қысқа мерзімді үзіліс туындауы мүмкін. Абоненттер түсіністік танытады деп үміттенеміз. Оператор осы өзгерістер абоненттерге барынша ыңғайлы болуы үшін бар күшін салады, – деді Tele2 баспасөз қызметі.
Activ/Kcell абоненттері де Қазақстанда 1 наурызға қараған түні сағаттың өзгеруіне байланысты болуы мүмкін техникалық ақаулар туралы SMS-хабарламалар алды.
- Үкіметтің UTC + 5 уақыт белдеуіне көшу туралы қаулысына сәйкес 29 ақпанда 23:00 (UTC +6) мен 1 наурыз 06:00 (UTC +5) аралығында сервистерді ықтимал шектеумен техникалық жұмыстар жүргізіледі. Банктер, мемлекеттік сервистер және басқалар сияқты серіктестер жүргізетін қосымша сервистерге уақыт белдеуін өзгерту жөніндегі техникалық жұмыстар әсер етуі мүмкін екеніне назар аударамыз, - деп хабарлады Activ баспасөз қызметі.
Естеріңізге сала кетейік, 2024 жылғы 29 ақпаннан 1 наурызға қараған түні Қазақстан Маңғыстау, Атырау, Батыс Қазақстан, Ақтөбе және Қызылорда облыстарынан басқа барлық аймақтар бірыңғай уақыт белдеуіне көшеді.
Оқи отырыңыз
