Мұз үстінде қауіпсіздік ережелерін қатаң сақтау керек – құтқарушылар
Фото: ШҚО ТЖД баспасөз қызметі
Наурыз айында күн райының жылынуына байланысты мұздар еріп, босай бастайды. Сондықтан мұз үстiмен жүру өте қауіпті.
ШҚО ТЖД құтқарушылары азаматтарға сақтық шараларын қатаң сақтау керектігін еске салады, деп хабарлайды Altainews.kz тілшісі.
Облыстық ТЖД мамандары еріктілермен және полицейлермен бірлесіп су айдындарына 620-дан астам рейд жүргізген. Тұрақты негізде нұсқамалар өткізіліп, азаматтар арасында 4400-ден астам үгіт насихат жадынамалары таратылды.
- Әлсіз мұз үстiмен жүруге, мұзы шатынаған тұстарға жақындауға, жағадан жұқа мұз үстiне шаңғымен, шанамен, конькимен сырғанап түсуге болмайды. Мұз берiктiгiн аяқпен ұрып байқауға қатаң тыйым салынады. Өзендi (су қоймасын) мұз үстiмен тыйым салынған және қауiптi тұстардан кесiп өтуге рұқсат етiлмейдi, ескертпе қалқандарды мұқият қарау керек, - дейді ШҚО ТЖД бастығының орынбасары Қуатбек Кенжебекұлы.
Ата-аналар да көктемгі демалыс кезінде табиғат аясына демалуға шыққан сәтте балаларына сақ болуы қажет. Оларды жалғыз қалдыруға болмайды.
Оқи отырыңыз
Құтқарушылар су айдындарында қауіпсіздік ережелерін қатаң сақтауға шақырадыҚұтқарушылар мұзға шығарда қандай қауіпсіздік ережелерін сақтау қажеттігін түсіндірдіҚұтқарушылар шомылуға болмайтын жерлерді күзетіп жүр – ШҚОШҚО құтқарушылары балықшыларға мұздағы қауіпсіздік ережелерін еске салдыҚауіпсіз мұз қалыңдығы қанша болуы керек?
