– Аталмыш мектепке күрделі жөндеу жүргізу мәселесі көптен бері шешімін таппай келген болатын. Ғимарат қабырғасында жарықшақтар пайда бола бастады. Сондықтан біз 2-3 жыл бұрын бұл мәселені көтеріп, жұмысты қолға алған едік. Жоба мемлекеттік сараптамадан өтіп, биыл облыс басшылығының қолдауымен жөндеуге қаражат бөлінді. Қазіргі уақытта мердігер компания жөндеу жұмысын бастап кетті. Жөндеу жұмыстары 15 тамызға дейін аяқталуға тиіс. Бірақ кейде жобалаушылардың тәжірибесіздігі жұмысқа кедергі келтіреді. Мысалы, негізінен жөндеуді қажет ететін жерлерді жобаға кіргізбей қояды да, қосалқы жұмыстарға басымдық береді. Ал біз сұраған кезде мердігер ұйым құжатта көрсетілмегендігін алға тартады. Сондықтан біз қайтадан жобаға қатысты техникалық шешім шығаратын боламыз. Сонда ғана жұмыс барысы оңтайлы болмақ,  – деді Өскемен қаласының әкімі Жақсылық Омар.

– 9-11 сынып оқушылары №22 мектепте оқып жатыр. 0-8 сынып оқушылары үш негізгі сабақты аталмыш мектепте, өзге пәндерді қашықтықтан оқиды. Әдеттегідей, бастауыш сынып оқушылары тегін тамақтанады. Төртінші тоқсанды осылай аяқтаймыз, – деді «№2 жалпы білім беретін мектеп» КММ директоры Жанат Омарова.