KZ
Өскемен
+14°
облачно с прояснениями жел 1 м/с, С
459.75 494.14 5.54

Өскеменде бос жұмыс орындарының жәрмеңкесі өтті

17.05.2024, 12:49 114 Айжанат Бақытқызы

Бүгін Өскемендегі Мансап орталығының алаңында қаладағы 40-қа жуық жұмыс беруші кәсіпорын-мекемелердің қатысуымен бос орындар жәрмеңкесі өтті, деп хабарлайды Altainews.kz тілшісі. 

Мансап орталығының директоры Арайлым Есімбекованың айтуынша, ауқымды шараға колледждер мен жоғары оқу орындарының түлектері, орталықта жұмыссыз ретінде есепте тұрған қала тұрғындары қатысты. 

«Бүгінгі бос орындар жәрмеңкесіне құқық қорғау органдары, әскери бөлімдер, құрылыс компаниялары бар, барлығы қырыққа тарта жұмыс берушілер қатысып отыр. Бұған дейін де айына бір рет түрлі форматта жұмыспен қамту шараларын өткізген болатынбыз. Мәселен, құтқарушылардың әскери батальоны ашылып жатыр. Сол бөлімге тақырыптық үш жәрмеңке арқылы толықтай жұмысшылар тауып бердік. Мемлекет тарапынан берілетін көмекке ғана қарап отырмасын деп, атаулы әлеуметтік көмек алушыларды да шақырдық»,-дейді Мансап орталығының директоры Арайлым Есімбекова. 

Айта кетерлік жайт, қазір жұмыссыз ретінде тіркеліп, жұмыс іздеу үшін Мансап орталығына келу де міндетті емес. Өйткені барлығы цифрланған. Электрондық еңбек биржасы арқылы жұмыс беруші де, жұмыс іздеуші де барлық қызметті қашықтан ала алады. 

Жұмыс берушілердің пікірінше, негізінен қала бойынша сұранысқа ие мамандықтар – электрик, энергетик, құрылыс мамандары, аспаз, тігінші,  әскери мамандар, техника саласының мамандары және мұғалімдер. 

Айта кетсек, қазір Өскемен қаласында 3953 адам порталда жұмыссыз ретінде тіркеуде тұр.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив