Террористік сипаттағы қылмыстары үшін үш азамат сотталды
pixabay.com
Маусымда Ұлттық қауіпсіздік қызметі террористік сипаттағы қылмыстар жасағаны үшін Қазақстанның үш азаматын ұстаған болатын.
Күдіктілерге қатысты сот үкімі шықты, деп хабарлайды Altainews.kz тілшісі.
– 3 және 7 маусымда Шымкент қаласының қылмыстық істер жөніндегі мамандандырылған ауданаралық сотымен терроризмді насихаттау фактісі бойынша екі жергілікті тұрғынның әрбірі 7 жылға бас бостандығынан айырылды, – деп хабарлады ҰҚК баспасөз қызметі.
Олардың айналасындағылар арасында, сондай-ақ мессенджерлер мен әлеуметтік желілер арқылы радикалды діни материалдарды таратқаны анықталды.
– 11 маусымда Астана қаласының қылмыстық істер жөніндегі ауданаралық сотымен осыған ұқсас қылмысы үшін түзету мекемесінде отырған елорда тұрғыны 6 жылға қосымша бас бостандығынан айырылды, – делінген хабарламада.
Айта кету керек, ағымдағы жылдың ақпанында ол билікті басып алуға, террористік топты құруға және басқаруға, террористік әрекетті ұйымдастыру мақсатында жалдауға, терроризмді насихаттауға және қаржыландыруға көпшілік алдында шақырғаны үшін 20 жылға сотталған.
Тергеу изоляторында болған кезде, ол заңсыз әрекеттерін тоқтатпай, камераластарына терроризм идеологиясын таратуға тырысқан.
Оқи отырыңыз
Көкшетау тұрғыны қастандықпен таксишіні өлтіргені үшін 17 жылға сотталдыҚарағандыда 3 адамды өлтірген қылмыскер өмір бойы бас бостандығынан айырылдыАвтокөлікті заңсыз тіркеген қылмыстық топ мүшелеріне үкім шықтыТеррористік қауіптіліктің «сары» деңгейі жарияланған жағдайда не істеу керек?Алқабилер соты 76 келі есірткімен ұстаған ер адамды он жылға соттады
