Қазақстандықтар тегін дәрі-дәрмекті әлеуметтік әмиян арқылы ала бастады
ҚР Денсаулық сақтау министрлігінен
"Әлеуметтік әмиян" арқылы дәрі-дәрмектерді электрондық түрде беру жөніндегі пилоттық жобаға ел бойынша 700-ден астам медициналық ұйым қатысады, 93 мың рецепт негізінде препараттар берілген, деп хабарлайды Altainews.kz тілшісі.
ҚР Денсаулық сақтау министрлігі ақпаратына сүйенсек, жыл соңына дейін бұл жоба тегін амбулаториялық дәрілік қамтамасыз ету шеңберінде препараттар алатын 1,7 млн адамды қамти отырып, бүкіл республика бойынша кеңейтілетін болады.
"Әлеуметтік әмиян" қызметін пайдалану үшін App Store және Play Market дүкендерінде қолжетімді eGov Мobile қосымшасын жүктеп алу қажет.
"Әлеуметтік әмиянды" пайдалану азаматтарды дәрілік заттармен қамтамасыз ету, заңсыз айналымды болдырмау, бұрмалау және басқа да бұзушылықтар саласында қолжетімділік пен толық ашықтық үшін жағдай жасайды.