Өңірлік спорт басқармаларының басшыларын тағайындау тәртібі өзгерді
pixabay.com
Бұдан былай басқарма басшылығына ұсынылған үміткерлер ҚР Туризм және спорт министрлігінің жанынан құрылған комиссияның келісімін алуы керек.
Комиссия жұмысына министр Ербол Мырзабосынов жетекшілік етеді, деп хабарлайды Altainews.kz тілшісі ҚР Туризм және спорт министрлігі ақпаратына сүйеніп.
Президент Қасым-Жомарт Тоқаев ХХХІІІ жазғы Олимпиада жүлдегерлерімен кездесуінде әрбір өңір қандай спорт түрін дамыту керектігіне қатысты шешімді дербес қабылдайтынын сынға алған болатын. Осыған орай, Мемлекет басшысы спорт саласындағы барлық деңгейдегі басқару вертикалін қалпына келтіру жөнінде Үкіметке нақты тапсырма берді.
- Комиссияның жұмысы барысында өңірлік спорт басқармалары басшылығына ұсынылған кандидаттар нақты талаптар бойынша бағаланады. Үміткерлердің саладағы тәжірибесі мен дамыту жоспары болуы, сондай-ақ спорт ғылымының негізі мен менеджментін меңгергені ескеріледі, - делінген министрлік мәліметінде. - Кандидаттарды ұсынуды жергілікті атқарушы органдар және министрлік жүзеге асыра алады. Жергілікті атқарушы орган комиссияның оң қорытындысын алған кандидаттарды ғана тағайындайды.
Оқи отырыңыз
ҚР Туризм және спорт министрлігі жанынан өңірлік спорт басқармаларының басшыларын тағайындайтын арнайы комиссия құрылдыӨскемен қалалық денешынықтыру, спорт және туризм бөліміне жаңа басшы тағайындалдыЕлімізде жаңа комитет пайда болдыҚазақстанға Халықаралық дзюдо федерациясының президенті Мариус Визер келдіСпорт мектептерінің директорларын тағайындау бойынша ашық конкурс өтті – ШҚО
