Өскемен гарнизоны әскери бөліміне еліміздің әр өңірлерінен әскери қызметке шақырылған жас сарбаздардың алғашқы легі Павлодар облысынан келді, деп хабарлайды Өскемен гарнизонының баспасөз қызметі

Әскери бөлім басшылығы мен жас сарбаздар жиынының әкімшілік құрамы жас сарбаздарды пойыздан түскеннен вокзалда әскери оркестрмен және қолдау тобымен күтіп алды.

«Жас сарбаздарды әскери өмірге бейімделуіне және бөлім командирінің нұсқауымен сарбаздардың моральдық-іскерлік, әскери қызметке дейінгі отбасылық және тұрмыстық жағдайларын зерделеуге, жас сарбаздар жиынының әкімшілік құрамы жұмылдырылып, әңгімелесу кезінде ата-аналарына қоңырау шалып, балаларының үнемі қамқорлықта екенін жеткізіп тұратын болады» - дейді бөлім командирінің тәрбие және идеологиялық жұмыстар жөніндегі орынбасары майор Абзал Таждинов. - Жас сарбаздарға Отанға адал қызмет ету  басты міндеттері екендігін айтып, алдағы әскери ант қабылдау шарасына дайындықты жеткізсе, Илья Гутов алғашқы күннен алған әсері мен өзіне деген сенімділікті аңғартып, «Павлодар өңірінен келген жас сарбаздар әскери қызметте алда болып, абыроймен қызмет етеміз. Әскери бөлім басшылығы мен ата-анамыздың  сенімдерін ақтаймыз». 

Жас сарбаздар жиынының әкімшілік құрамы кешенді  іс-шараларда   белсенділік пен жауапкершілік танытуда.