Өскеменде жүргіншілердің сөмкесін алып қашқан қарақшы ұсталды
Өскеменде жүргіншілердің сөмкесін алып қашып жүрген күдікті ұсталды, деп хабарлайды Алтайньюс тілшісі.
Оқиға 2 желтоқсанда Қазақстан көшесіндегі үйлердің бірінің ауласында болған. Күдікті жүргіншінің сөмкесіне жармасып, тартып алмақ болған. Жүргіншінің көмекке шақырған даусын жол-патрульдік полиция батальоны инспекторы Рүстем Қасымжанов естиді. Айта кетейік, полицей бұл кезде қызмет бабынан тыс кетіп бара жатқан.
– Жас жігіт полицейді көріп қаша жөнеледі. Бірақ полицей оны қуып жетіп ұстады, – деді облыстық полиция департаментінің баспасөз хатшысы.
Қазір күдікті қарақшылық әрекеті бойынша тергеуге алынды.
Оқи отырыңыз