Өскемен-Зырян бағытындағы тас жолда кеше жол апаты орын алды, деп хабарлайды Алтайньюс тілшісі.

Тас жолдың 105-ші шақырымында, Сажаевка ауылының маңында жеңіл автокөлік пен Газель соқтығысыпты. Ресми ақпарат бойынша, жеңіл автокөліктің жүргізушісі көлік тізгініне ие бола алмай, қарама-қарсы жолаққа шығып кетіп, Газель маркалы автокөлікке соғылып отыр.

Нәтижесінде жеңіл автомобильдің 19 жастағы жүргізушісі алған ауыр жарақаттардың салдарынан оқиға орнында көз жұмды.