ШҚО ТЖД: Бүгін үйдің терезелерін қымтап жабуларыңызды сұраймыз
Синоптиктер бүгін 23 мамыр күні Шығыс Қазақстан облысында 23-28 м/с жылдамдықпен жел соғып, кей жерлерде бұршақ жауатынын ескертті, деп хабарлайды Алтайньюс.
«Қазгидрометтің» хабарлауынша, сәрсенбі күні Шығыс Қазақстанда жаңбыр жауып, желдің жылдамдығы 15-20 метрге дейін үдейді. Кей жерлерде жаңбыр бұршаққа ұласып, 23-28 м/с жылдамдықпен қатты жел тұрады деп күтілуде.
«Үйдің терезелері мен есіктерін қымтап жабуларыңызды сұраймыз. Көшедегі жарнама бағандарынан немесе басқа да құралмалы заттардың жанынан, электр желілерінен, ағаштардың маңынан алыс жүруге кеңес береміз. Үзілген электр сымдарын көрсеңіз 112 телефонына қоңырау шалыңыз, деп жазылған ШҚО ТЖД хабарламасында.