Министр Қалмұханбет Қасымов Риддерде болған оқиға туралы айтты
ҚР Ішкі істер министрі Қалмұханбет Қасымов Риддер қаласы әкімінің орынбасарының қатысумен болған жол-көлік оқиғасы әділ түрде тергеліп, кінәлі адамдар жауапқа тартылатынын айтты. Бұл туралы bnews.kz жазады
«Қазір ол қамауда отыр. Осы оқиғаның әлі де анықтай түсетін жай-жапсарлары бар. Кінәсы бар адамдардың барлығы жауапқа тартылады»,-деді Қ. Қасымов.
Естеріңізге сала кетейік, 2018 жылы, 15 сәуірде, Риддер қаласында болған жол-көлік оқиғасы адам қазасына әкеп соққан болатын. Кешкі сағат 9 шамасында шетелдік көлік жүргізушісі 1999 жылы туған жаяу жүргіншіні қағып кеткен.
«BMW Х5» автокөлігі Айдарханов көшесімен ілеспе бағытта жолдың жиегінде жүріп бара жатқан жаяу жүргіншіні қағып кеткен. Жол-көлік оқиғасы салдарынан 1999 жылы туған жаяу жүргінші «жедел жәрдем» келмей тұрып, оқиға орнында қаза тапқан.
Оқиғаны тексеру барысында 45-жасар «BMW Х5» жүргізушісі мас күйінде болғаны және Риддер қаласы әкімінің орынбасары Бауыржан Құрманбаев екені анықталған.