Аудан әкімі «Аудандағы елді мекендерді абаттандыру, көгалдандыру, санитарлық тазалық жөніндегі екі айлық өткізу» туралы өкімге қол қойған. Оған сәйкес жалпыаудандық экологиялық айлық аясындағы сенбілік 9 сәуірде басталды.

Бүгінде аудан орталығы Үржар ауылында жаңадан ашылған «Балалар саябағына», орталықтағы «Батырлар аллеясына», спорт мектебінің маңайына және орталық стадион мен Абылайхан даңғылы бойына барлығы 2500 түп көшет (ішінде жеміс ағаштары, емен, шынар ) және 50 түп шырша ағашы отырғызылды.

«Семей орманы» тау-дала филиалының ұйымдастыруымен  «Балалар саябағында», «Парктер шеруі-2018» акциялаы осы Үржарда өтті. Акцияның салтанатты ашылуына аудандағы Абай, Жансүгіров, Абылайхан, Б.Момышұлы, Б.Тұрлыханов орта мектептерінің үгіт-бригадаларынан құрылған оқушылар тобымен барлық мекемелер ұжымдары, қоғамдық ұйым өкілдері, аудандық БАҚ өкілдері қатысты.