«Шығыс кәдесыйы» облыстық фестиваль-байқауы өтті
Астана күні мерекесіне орай Өскемен қаласында «Шығыс кәдесыйы» атты қолөнер шеберлерінің облыстық фестиваль-байқауы өтті, деп хабарлайды Altainews.kz тілшісі.
Шығыс Қазақстан облысының шеберлері жәрмеңке барысында түрлі-түсті бұйымдар мен кәдесыйларын, әртүрлі материалдар мен түрлі техникалар арқылы жасалған сан алуан бұйымдарын әкеліп көпшілік назарына ұсынды.
Сондай-ақ көрме қарсаңында шеберлік-сабақтары өтіп, үздік қолөнершілер өзара сынға түсті.
Фестивальда ән шырқалып, күй шертілді. Мың бұралған бишілер де өнер көрсетті. Қысқасы керемет өнер тойы өтті. Жиналған жұрт қолөнершілер жасаған бұйымдардың арасынан қазақтың қасиетті қара домбырасын ерекше қызықтап жатты. Шара соңында жеңімпаз шеберлер марапатталып, бағалы сыйлықтар табыс етілді.