Шемонайха ауданындағы «Рулиха» жауапкершілігі шектеулі серіктестігінде 400 басқа арналған тауарлы-сүт фермасы салынуда.

Келесі жылы іске қосылатын бұл кешенде қазір құрылыс жұмыстары қызу жүргізілуде. Аудан әкімі Амангелді Тоқтаровтың айтуынша, «Рулиха» ЖШС-ның жетекшісі С.Сағандықов жеке қаражатына фермаға қажетті заттарды сатып алған.

– Биыл «Камышинское» шаруа қожалығында құны 450 миллион теңгені құрайтын 360 басқа арналған тауарлы-сүт фермасы салынуда. Аталмыш шаруа қожалығындағы жалпы ішкі өнімнің 70 пайыздан астамы мал шаруашылығынан түседі. Негізгі табыс көзі егінге тәуелді емес, өндіріс әртараптандырылған, - дейді Амангелді Тоқтаров.