Көкпекті ауданында 16-17 қыркүйек күндері еліміздің тарихи тұлғасы Уақ Бармақ батырды еске алуға арналған бұқаралық іс-шаралар өткізіледі.

"Болашаққа бағдар: Рухани Жаңғыру" бағдарламасы аясындағы шаралар Бармақ батыр бейітінің басына құлпытас орнатумен басталады. Екі күнге созылатын шаралар аясында аудан орталығына тарихи тұлғаның кеудемүсіні орнатылып, аламан бәйге өтеді, ас беріледі.

"Уақ Бармақ батыр – тағылым және рухани жаңғыру" атты ғылыми конференция жұмысына елімізге танымал тарихшылар мен шежірешілер қатысады.