Өскеменде "Рухани жаңғыру - Мәңгілік ел болашағы" атты фестиваль өтіп жатыр, деп хабарлайды Алтайньюс тілшісі.

С. Аманжолов атындағы Шығыс Қазақстан мемлекеттік университетінің бас ғимаратындағы жиынға қала және аудан әкімдері, қоғамдық ұйымдардың өкілдері және студенттер қатысуда. Шара барысында жыл үздіктерінің аты аталады. Облыстық ішкі саясат басқармасы ұйымдастырған байқаудың нәтижесіне сәйкес "Жылдық үздік жобасы", "Үздік Рухани жаңғыру штабы", "Кіші бағдарламалардың үздік менеджері" және "Үздік Рухани жаңғыру кабинеті" анықталады.

Айта кетейік, "Рухани жаңғыру" бағдарламасының аясында 18 аймақтық жоба жүзеге асырылуда. 19 қалалық және аудандық штаб бар. Штабтарда 118 маман жұмыс істеуде.