Өскеменде Парламент Сенатының Аграрлық мәселелер, табиғатты пайдалану және ауылдық аумақтарды дамыту комитеті көшпелі отырыс өткізді.
Жиында «Семей орманы» мекемесінің бас директоры Мұрат Дәулетов атқарып жатқан жұмыстарын баяндады.
– Еккен көшеттеріміз толық өсіп жатыр, орманда өрт тіркелген емес, техникамыз сақадай-сай. Өз әдіс-тәсілдерімізбен бөлісу үшін тамыз айында республикалық семинар өткізбекпіз. Мәселен, қолданысымызда түтінді 65 шақырым жерден сезетін құрылғылар бар. Олар өртті ерте байқап, тез ауыздықтауға мүмкіндік береді, – деген мекеме басшысы басты мәселе мамандарға беретін баспананың жоқтығы екенін алға тартты. Кадрлар егде жаста, ал жастарды тарту үшін жағдай керек.
Ержан Әбіш