Алтай ауданының Серебрянск қаласының маңындағы орманда өрт шықты, деп хабарлайды Altaynews тілшісі.

ШҚО ТЖД ақпараты бойынша, 9 шілде күні сағат 13.00-де Серебрянск қаласынан 10 шақырым жердегі Өскемен орман шаруашылығы аумағы өртенген. Өрт ағашы жоқ ашық алаңда шыққан.

Тілсіз жауды ауыздықтауға Серебрянск қаласынан өрт сөндіру қызметі шақыртылды. Барлығы 28 адам жұмылдырылды: 13 орманшы және 15 өрт сөндіруші. Өрт кешке қарай толық ауыздықталды.