Ресейдің алтын өндіруші «Polymetal» компаниясы Жарма ауданына қарасты Бақыршық кенішін 500 миллион долларға сатып алмақшы , деп хабарлайды Аltaynews.kz тілшісі «Коммерсанть» басылымына сілтеме жасап.
Ақпарат құралы таратқан мәліметке сенсек, бүгінгі күні осы мәселеге қатысты келіссөздер жүргізілуде.
Бақыршық кенішіндегі алтынның қоры 5,76 миллион унция шамасында бағаланған. Оған қоса мұндағы қазба жынысының құрамында кездесетін алтынның үлесі де жоғары екен, мәселен бір тонна кеннен 8 грамм бағалы металл алуға болады.
Бақыршық алтын өндірілетін тағы бір кен орыны Большевикпен бірге «Altynalmas Gold Ltd» компаниясына қарасты «Қызыл Голд» жобасын құрайды.