Қазақстанда қаржы пирамидасының қызметіне тосқауыл қойылады. Бұл проблема Парламент Мәжілісі депутаттарының қатысуымен өткен жиында талқыланды, деп хабарлайды Аltaynews.kz тілшісі.

Өзгертулер мен толықтырулар енгізіліп, Парламентке ұсынылған «Қаржы пирамидаларының қызметіне қарсы іс-қимыл мәселелері туралы» Заң жобасына сәйкес алаяқтықпен айналысқан компаниялар қатаң жазаға тартылатын болады.

Мәселен, елді алдап-арбап, заңсыз жолмен тауарларын сатқан заңды немесе жеке тұлғалар 1 мыңнан 3 мың АЕК мөлшерінде айыппұл төлейді. Не болмаса 3 жылдан 12 жылға дейін бас бостандығынан айырылады.

Сонымен қатар, қаржы пирамидаларының заңсыз қызметін жарнамалаған ақпарат құралдары да соттың шешімімен белгілі деңгейде жауапқа тартылмақ.