Бесқарағай ауданы Канонерка ауылында осы жердің тумасы, Ұлы Отан соғысында Николай Гастеллоның ерлігін қайталаған Александр Белоусовқа арналған ескерткіш тақтасы салтанатты түрде ашылды, деп хабарлайды Аltaynews.kz тілшісі.

Салтанатты жиында Бесқарағай ауданының әкімі Қ.Б. Байғонысов жиналған қауымды Жеңіс күнімен құттықтап, ескерткіш тақтаға гүл шоғын қойды.

Александр Белоусовтың туысқандары В.Я.Чемучкин (90 жастағы еңбек сіңген зейнеткер), Н.Г.Матыцин (бұрыңғы Семей құрылыс техникумының директоры), А.Е.Белоусов (BULD TRADE Азия ЖШС-ның құрылыстайшысы) алғыс сезімдерін білдірді. Одан кейін құттықтау сөз алған Н.И.Фрайндт ауылдастарына батырлардың ерлігін ұмытпай, оларға тағзым еткендері үшін алғысын айтты.

Салтанатты жиын Ұлы Отан соғысы ардагерлеріне арналған ескерткішке гүлшоғын қоюмен жалғасты.

Митинг соңында мектеп оқушыларының күшімен мерекелік концерт қойылды.