Шығыс Қазақстан облысында Әлемнің үш дүркін және Еуропа чемпионы, КСРО еңбегі сіңген спорт шебері Евгений Паладьевті еске алуға арналған шайбалы хоккейден облыстық турнир басталды, деп хабарлайды Altaynews.kz тілшісі.
Турнирдің ашылу салтанатына атақты хоккейшінің курстары қатысты.
Бұл облыстық турнир әуесқой командалар арасында алғаш рет өтіп отыр. Жарысқа облыстың қалалары мен аудандарынан барлығы 11 команда қатысуда.
Турнир екі күнге созылады. Ойындар Өскемен қаласындағы хоккей модульдерінде өтіп жатыр.
Алғашқы матч Өскемен қаласының «МЧС ХК» командасы мен Семейдің «Локомотив» командасы арасында өтті. Жарыс Өскемен командасының жеңісімен аяқталды.
Дулат Әсембаев
Мәлімет көзі: Altaynews.kz